BuzzerBeater Forums

Hallo zäme,

Ig wünsche aune e guete Rutsch u e erfolgrichi Saison 11.

Gruess a die neue Teams, legetnech warm ah ;)

Salutations aussi a Geneve!
Ca va etre encore plus serré avec eux dans la groupe bleu, alors fais gaffe tout le monde ;)



gruess rhuka

harmlos, längwilig hie!

ja früecher isch aues besser gsi...

:)

Dir loufts ja guet gsehni!

Bezüglech Saison ischs natürlech nid längwilig, aber wortkarg isch die Liga scho immer gsi ^^

tja, chasch jo au ned so stemmig wie uf BS erwarte ;)

no schnell zo mer: ha geschter im cup 174-178 in double OT verlore :-S es mörder resultat, mini arme speler hend uhuere lang müesse spele & send ned emol belohnt worde :-D
be aber sehr z'fredde; schliesslech hani mini schlächt mannschaft ufgstellt gha & de gägner hed meh iisatz investiert als ech. trotzdem esches össerscht knapp worde.

hed ächt au scho match gäh, wo eis team öber 200 pkt. gmacht hed?

meine güte, was fürnes spiel u was fürnes 4. Viertel!!

Schad hesches nid für di chönne entscheide

Auso i ha scho spiu mit 4 OT's gseh, aber ad resultat mögtmi nid erinnere, gloub aber nid dasses so wyt ufe isch.
D'Matches zwüsche de gruppene gö ja aube ziemlech höch..
ka, aber i dänke scho dass das öppe scho knackt isch worde?!

jep, 4. viertel esch gewaltig gsi :)

4 OT's tönt au ned schlächt; wenn denn au 2 mannschafte met schnellagriff oder brächstange speled, dänki scho dass 200 pkt. förnes team dinne ligged.
ech liese äbe do nie im globalforum; det wörds secher stoh...

wasi öbrigens a dem forum mega doof finde, sed dem do d'siite chli gänderet hed; esch dass mer gar nöme gsehd, wenn en manager öbis neus inegschrebbe hed.
frühner esches emmer so schön rot azeichnet gsi & mer esch go luege. dänke das macht auno chli öbis us, dass s'forum ned so is laufe chond!

>4 OT's tönt au ned schlächt; wenn denn au 2 mannschafte met schnellagriff oder brächstange speled, dänki scho dass 200 pkt. förnes team dinne ligged.
ech liese äbe do nie im globalforum; det wörds secher stoh...

dänkes scho, i liese aube aber hätts ehrlech gseit no nie gseh..


>wasi öbrigens a dem forum mega doof finde, sed dem do d'siite chli gänderet hed; esch dass mer gar nöme gsehd, wenn en manager öbis neus inegschrebbe hed.
frühner esches emmer so schön rot azeichnet gsi & mer esch go luege. dänke das macht auno chli öbis us, dass s'forum ned so is laufe chond!

stimmt das isch mir ou ufgfalle, das isch würklech blöd!
Ah du hesch natürlech iz ou wächsle müesse eh? ;)

stimmt das isch mir ou ufgfalle, das isch würklech blöd!
Ah du hesch natürlech iz ou wächsle müesse eh? ;)

nei, be ehrlech gseid emmerno bem alte layout blobbe :) be sones rechtigs gwohnheitstier; wenn mer öbis mol gfallt, denn wottis bhalte ond jo nüüt neus!

nei, be ehrlech gseid emmerno bem alte layout blobbe be sones rechtigs gwohnheitstier; wenn mer öbis mol gfallt, denn wottis bhalte ond jo nüüt neus!

soso ;) ha gmeint das söu gar nüm gah!


Apropos i hätt mau e Frag id Rundi, da ig in livetime BBall nid dr absolut hirsch bi..

Chamer öper erkläre was das "Bonus"-Chäschtli unter de Timeouts und Fouls bedütet weme e match live aluegt? U wieso dert jenachdäm e Punkt drin isch odr nid? Das hani no nie begriffe...

cheers for answers!

Last edited by rhuka at 01/18/2010 14:15:36

nei, be ehrlech gseid emmerno bem alte layout blobbe :) be sones rechtigs gwohnheitstier; wenn mer öbis mol gfallt, denn wottis bhalte ond jo nüüt neus!

soso ;) ha gmeint das söu gar nüm gah!


Apropos i hätt mau e Frag id Rundi, da ig in livetime BBall nid dr absolut hirsch bi..

Chamer öper erkläre was das "Bonus"-Chäschtli unter de Timeouts und Fouls bedütet weme e match live aluegt? U wieso dert jenachdäm e Punkt drin isch odr nid? Das hani no nie begriffe...

cheers for answers!

im basketball wärdid jewiils persönlichi ond teamfouls zellt. du als speler döfsch in europa maximal 5 fouls mache (ide nba 6) & denn besch fouled out = personal fouls
gliichziitig wärdid i jedem viertel d'fouls vo dinere mannschaft zämezellt (=all personal fouls zäme) ond sobald det meh als 5 bzw. 6 (nba) begange worde send, bechond din gägner de bonus, dass är noch jedem foul vo dinere mannschaft (egal bem worf oder ned bem worf) 2 freiwörf döf mache. --> be jetzt nöme ganz secher öb buzzerbeater meh noch NBA regle gohd oder FIBA (glaubes aber NBA), was wörd heisse, dass din gägner noch 6 begagne fouls vo dinere mannschaft de Bonus bechond & ab sofort noch jedem foul vo dinere mannschaft freiwörf bechond. Das ganze met de teamfouls fohd noch jedem viertel notürlech weder be 0 ah, während die persönleche fouls öber s'ganze spel zämezellt wärded & du die ned los wersch :)
das esch jo u.A. au en wetz a BS, det geds eifach grad emmer freiwörf noch jedem foul. egal öb de speler jetzt am wärfe esch & gfoult werd oder öber onderem eigete chorb bem defensiv rebound eis uf d'nase bechond. Im BS geds nome persönlichi fouls, während teamfouls eigentlech ned vorhande send (zwor ide statistik vermerkt, hend aber kei ifloss uf d'FT)

damn, ha das ganze glaub grad rächt kompliziert erchlärt ;) hoffe du schnallsch es, söscht probieris nomol :D

Edith meint, dasses im BB glaub doch nome 5 teamfouls send bes mer in bonus chond & ned 6 wie ide NBA

Last edited by Rasco at 01/19/2010 08:15:41