ორშაბათს ჩვენმა ეროვნულმა ნაკრებმა მორიგი ოფიციალური შეხვედრა გამართა ჩერნოგორიის ნაკრებთან. იმ გუნდთან რომელმაც წინა სეზონში მსუბუქი თამაშით დაგვამარცხა.

თამაშის წინ ერთადერთი მიზანი გვქონდა რევანში აგვეღო და ამით ჯგუფიდან გასვლის რეალური შანსი მოგვეპოვებინა. საბოლოოდ რევანში შედგა. წინა სეზონში მათ 106-111 დაგვამარცხეს, ეხლა კი ჩვენ ვძლიეთ 106-123. ჯგუფიდან გასვლის რეალური შანსიც გაგვიჩნდა. ჯერჯერობით პირველ ადგილზე ვართ და ზურგს სამი გამარჯვება გვიმაგრებს. ამას ისაც ემატება, რომ ჩვენი შეტევა შეუდარებელია სამ თამაშში ყველაზე მეტი 399 ბურთი ჩავაგდეთ და ყველაზე უკეთესი ბურთების შეფარდებაც ჩვენ გვაქ +165.

განვლილ შეხვედრას რაც შეეხება, გამარჯვებისთვის ყველაზე მთავარი იყო რომ ბურთი რაც შეიძლება მეტჯერ გვქონოდა შეტევაში. ამისთვის საჭირო იყო მოხსნებში გვემარჯვა. შემადგენლობაც და ტაქტიკაც ამ კომპონენტზე იყო აწყობილი. საბოლოოდ ამან გაამართლა და ევროპაში ერთ-ერთ საუკეთესო ფარქვეშა მოთამაშეებით დაკომპლექტებულ გუნდს 52-41 ვაჯობეთ მოხსნებში.

რაც შეეხება კონკრეტულ ტაქტიკურ სვლებს და შემადგენლობაში ამა თუ იმ კალათბურთელის დაყენებას ამას თქვენი ნებართვით აქ არ დავწერ. ჯერ კიდევ არაერთ უძლიერეს გუნდს უნდა გავეჯიბროთ, რომელის მენეჯერებიც დარწმუნებული ვარ უკვე გვიფრთხიან და ყველანაირი გზით ეცდებიან გარკვეული ინფორმაციების მოპოვებას.

ბოლოს მინდა კიდევ ერთხელ გავიმეორო ამ მატჩის შემდგომი კომენტარის სათაური ”ძალა ერთობაშია”. ამ თამაშის წინ ყველა მენეჯერი ერთად დავდექით. ყველამ მაქსიმუმი გააკეთა რათა თავისი მოთამაშეები უძლიერეს ფორმაში ყოლოდათ. შედეგი კი ისაა რომ ყველამ ერთად გავიხარეთ ჩვენი ნაკრების წარმატებით და ამაყები ვართ რომ ეს ჩვენი ნაკრებია.

Reply to this

View message in thread.

BuzzerBeater Community

Press Blog

ძალა ერთობაშია